Hasundgot.no i ny drakt

Hasundgot IL har heilt sidan 2009 hatt same nettside, drifta av våre flinke kollegaer i Fantastiske Osberget. I vinter har vi derimot sett behovet for å fornye hasundgot.no, og saman med Fantastiske Osberget har vi utvikla ein ny portal som vi håper vil både vere meir «moderne», men også enklare å manøvrere seg gjennom.

For å skape mest mogeleg engasjement og flyt på den nye nettsida vår, set vi sjølvsagt veldig stor pris på å få tilsendt stoff som vi kan publisere. Om du har lyst å sende oss bilete, kampreferat eller andre tips, sjå kontaktskjema under kontakt-fanen som du finn i toppmenyen.

Les også: Tips til korleis skrive kampreferat!

Vi set også stor pris på tilbakemeldingar dersom du har kommentarar eller innspel til noko du saknar av informasjon. Då er det berre å sende oss ein e-post til redaksjon@hasundgot.no!

Den gamle sida kan inntil vidare framleis bli funnen her.

PS: Dei som tidlegare har hatt publiseringstilgang vil måtte opprette ny brukarkonto. Då kan du ta kontakt med vår nettredaksjonen for meir informasjon.