8. desember 2021

Tre poeng etter slitesiger mot Volda

Scoringa sat langt inne, men den som ventar på noko godt ventar ikkje forgjeves.

For det vart ei tolmodigheitsprøve då Hasundgot tok turen gjennom Eiksundtunnelen for å bryne seg mot Volda 2.

Sjølv om det var Hasundgot, i sine grå og neongule drakter, som hadde initiativet i starten av kampen, skulle det vise seg å vere vanskeleg å få ballen i mål.

Hasundgot spelte seg fram til 2-3 store sjansar, men ingen av forsøka resulterte i scoring. Defensivt hadde gjestene også god kontroll dei første 45 minutta.

Laga gjekk derfor mållause av banen til pause.

I starten av den andre omgangen var Volda litt meir «på», og utgjorde ein litt større trussel bakover for Hasundgot. Men innbytar Håvard Vik hadde planar om å bli matchvinnar denne kampen.

Etter eit nydeleg gjennomspel i det 69. speleminuttet fekk venstrekanten dra seg inn frå sida, og sette sikkert inn 1-0 på Volda kunstgras.

Volda var svært nære å få ei redusering i kampens aller siste sekund då eit skot rett utanfor 16-meteren smalt i tverrleggjaren, men returen vart (litt tilfeldig) fanga av keeper Joakim Rødven.

Det var derfor ein ny siger denne torsdagskvelden, årets tredje i comebacket i 5.-divisjon.

Kampfakta

5.-divisjon, runde 5
Volda II – Hasundgot 0-1 (0-0)
Volda kgb
Dommar: Martin Javier Solheim, Emblem IL
Tilskodarar: ca. 60
MÅL HIL: 1-0 Håvard Aarsand Vik (69)

Laget (4-3-3): Joakim Rødven – Marius Muren, Simon Spjutøy, Thomas Gjerde, Stian Pedersen – Nicolai Molvær, Nicolai Vik, Cato Veien – Johannes Meinseth, Jørgen Kleiven, Daniel Muren

Innbytarar: Håvard Vik, Elias Rooney, Ruben Muren, Mats Bigset

MATCHVINNAR: Håvard Vik sørgja for scoring og tre poeng mot Volda II. Foto: Idar Arne Kristiansen