Desse laga skal herrelaget møte neste år.
Med sine 32 poeng på 22 kampar sikra Hasundgot seg ein solid 5. plass i comebacksesongen i 5. divisjon.
Berre Vigra gjorde det betre enn Hasundgot av dei nyopprykka laga, og laget frå Giske sneik seg forbi på ein 4. plass med fem poeng meir.
Elles i divisjonen vart det nervepirrande både i toppen og i botnen heilt inn.
Medan Langevåg og Hovdebygda sikra opprykket i siste serierunde, måtte Volda 2 vente til etter Volda 1 hadde spelt kvalifieringskamp mot KBK 2 før dei kunne slappe av.
Volda 1 rykka opp til 3. divisjon, som samstundes betydde at Volda 2 fekk halde fram i 5. divisjon også i år 2020.
Det betyr at følgjande lag vil utfylle 5. divisjon komande sesong:
- Aksla
- Blindheim (ned frå 4. div)
- FK Sykkylven
- Giske (opp frå 6. div)
- Godøy
- Hasundgot
- Spjelkavik 2 (opp frå 6. div)
- Stranda
- Vanylven (opp frå 6. div)
- Vigra
- Volda 2
- Ørsta (ned frå 4. div)
