Sesongen er i gang for Hasundgot G13.
Denne sesongen har 2009-kullet tatt steget opp frå barnefotball til ungdomsfotball, som betyr at i år skal dei for første gong spele på større bane enn 7ar.
Laget er påmeld 2. divisjon i 9ar-serie, der første kamp denne sesongen vart spelt mot SIF/Hessa på bortebane.
Kampen vart spelt i går, torsdag, og etter ein godt gjennomført kamp endte kampen 1-1.
Hasundgot tok leiinga 1-0 etter 16 minutt då Sebastian Gurskevik Skeide sette ballen i mål, men heimelagets Sander Håhjem Taylor utlikna til 1-1 då kampen var 52 minutt gamal.
Det vart derfor ei broderleg fordeling av poenga, men uansett var det nok kjekt å kome i gang med årets serie.
Vi ønsker både spelarar og trenarar lykke til vidare i årets sesong!
