Hasundgot-angriparen er klar for spanande rolle i klubben.
Den siste tida har Hasundgot vore på jakt etter ein ny sportsleg leiar, ettersom tidlegare leiar Joakim Rødven har vald å trappe ned på grunn av flytting.
No er arvtakaren klar; og det blir Hasundgotaren Isak Sundgot.
Sundgot har vore ein viktig spelar for herrelaget siste åra og står, hittil, med 25 scora mål på berre 30 kampar.
No får angriparen prøvd seg i ei ny, spanande rolle i klubben. Det er ei oppgåve 21-åringen ser fram til.
– Dette blir artig og spanande, så eg gler meg til å kome igang, seier den ferske sportslege leiaren.
Som sportsleg leiar vil Sundgot mellom anna leie klubbens sportslege utval og møte i idrettslagets hovudstyre.
Vi ønsker Isak lykke til med sine nye oppgåver i klubben!
