Éin gjer comeback, medan ein annan kjem frå divisjonsrival.
Haustens kampar nærmar seg med stormskritt, og i forkant av andre halvdel av sesongen har Hasundgot henta inn to forsterkningar.
På grunn av flytting heimover til Ulsteinvik har Vegard Sundgot vald å returnere til moderklubben. Sundgot melde overgang til Lokomotiv Oslo i 2016, og har sidan den gongen spelt 24 obligatoriske kampar for «Loket».
Før opphaldet i Oslo hadde 31-åringen spelt 96 kampar for Hasundgot. I løpet av dei kampane har han også scora 16 mål.
Den andre nye spelaren er Pål Olav Myrvågnes, som har spelt for samarbeidslaget Moltustranda/Tjørvåg/Gurskøy (MTG) dei siste åra. Hos høvesvis MTG – og før det berre Tjørvåg – har Myrvågnes spelt over 50 kampar sidan 2012.
Det skal også nemnast at Myrvågnes var med i troppen då Hasundgot spelte ein treningskamp mot Hareid 4. august.
Vi ønsker Pål hjarteleg velkomen til Hasundgot, og ikkje minst Vegard velkomen tilbake til moderklubben!
