Avgjerande kamp på Hasundgot stadion onsdag kveld.
Sesongslutt nærmar seg med stormskritt i 6. divisjon og det tetnar seg til i toppen.
For Hasundgot sin del er det uansett klart at det matematisk sett ikke blir opprykk, men per 10. oktober er det framleis to lag som kan vinne avdelinga i 6. divisjon.
Sæbø, som har hatt tabelltoppen gjennom heile sesongen, har overraskande gått på tap mot både Volda 3 og Bergsøy 2 dei to siste kampane. Ettersom dei er ferdigspelte for sesongen er alt utanfor deira hender i jakta på avdelingssiger.
Som ein outsider har plutseleg Bergsøy 2 no moglegheita til å snike seg forbi både Hasundgot og Sæbø, og kan ta ein overraskande opprykksplass denne hausten.
Herøyværingane ligg før vekas serierunde på ein 3.-plass ni poeng bak Sæbø, men har også tre kampar mindre spelt enn serieleiaren. Dei ligg også to poeng bak Hasundgot med éin kamp mindre spelt.
Det betyr at dersom Fosnavåg-laget vinn alle sine tre attståande kampar kan dei innta tabelltopp – viss dei også scorar mange mål i dei siste kampane.
Sæbø har scora 39 og sleppt inn 19 på sine tolv kampar, medan Bergsøy 2 har scora 28 og sleppt inn 17 på ni kampar.
Det betyr at laget til Anders Helsem Hoff bør vinne med 3-4 mål i snitt i dei tre attståande kampane om dei skal går forbi Sæbø på målforskjell.
Første hinder på vegen er mot Hasundgot på Hasundgot stadion førstkomande onsdag.
Begge lag står med éin siger mot kvarandre denne sesongen, ettersom Hasundgot vann 4-1 over Bergsøy då laga møttest tidlegare i haust, men tapte 3-2 mot herøyværingane i vårsesongen.
Det betyr at Hasundgot kan stikke kjeppar i hjula for opprykkssjansane for herøyværingane denne veka. Dette vert også vår aller siste heimekamp denne sesongen, så vi håper at så mange som mogleg tek turen for å heie laget fram til tre nye poeng!
Kampfakta
6. divisjon, avd. 3
Hasundgot – Bergsøy 2
Hasundgot stadion
Avspark 12.10.2022, kl. 18.30
Dommar: Dag Harald Moldskred, Hareid IL
