Alle er velkomne i Hasundgot IL, uansett alder og ferdigheit. For å kunne ta del i idrettslagets aktivitetar, er det derimot ein føresetnad at du er registrert som medlem i Hasundgot IL.
Eksisterande medlemer må syte for å ha betalt trenings- og medlemskontingent for å ta del i aktivitet i Hasundgot-regi.
Her er informasjon om korleis nye medlemer kan delta i aktivitet for Hasundgot.
Ikkje registrert i annan klubb
Dersom du ikkje er registrert i nokon idrettsklubb frå før, vert må du melde deg inn i Hasundgot i MinIdrett.
På Norges Idrettsforbund si heimeside kan du lese meir om denne løysinga og korleis du ber om medlemskap i idrettslag.
Har du spørsmål, kan du gjerne ta kontakt med klubbkasserer i Hasundgot.
Registrert i ein annan klubb
Dersom du er registrert i ein anna klubb og ønsker å bli medlem av Hasundgot IL, må du melde overgang.
Vi oppmodar deg å ta kontakt med sportsleg leiar i Hasundgot før du melder overgang. Dette for å sikre at vi får alle opplysningar vi treng for å gjennomføre overgangen.
Spelarar som har vore registrert i ein klubb frå før, men ikkje har vore aktive på meir enn to år, må også melde overgang for å bli medlem i Hasundgot. Kontakt sportsleg leiar som kan hjelpe med dette.
Inaktive medlemer i Hasundgot
Dersom du har vore aktiv i Hasundgot tidlegare, men har vore inaktiv i minst 1 kalenderår, må du bli reaktivert som medlem. Ta kontakt med sportsleg leiar i Hasundgot som kan hjelpe med dette.