Torsdag startar «Sunnmørsmeisterskapen».
OBOS-cupen er eit ekstra tilbod i regi av Sunnmøre Fotballkrets, som i 2019 blir arrangert for aller første gong i vår fotballkrets.
Tilbodet er tiltenkt 16-årslag og seniorlag i divisjonane 4-6.-divisjon.
Frå Hasundgot melde seniorlaget og G16 seg på, og torsdag står herrelaget klare til dyst i første kamp.
Her er alt du treng å vite i forkant av OBOS-cupen.
Kven møter vi?
Herrelaget skal møte Åmdal (6div), Giske (6div) og Larsnes/Gursken (4.div).
G16 skal møte Emblem, Hødd, Stranda og Ørsta 2.
Når skal Hasundgot spele?
Herrelaget
Første kamp blir spelt heime mot Åmdal torsdag 28. februar. Avspark 18:30
Andre kamp er borte mot Giske laurdag 9. mars. Avspark klokka 14:00.
Siste kamp er også borte, mot Larsnes/Gursken på River Plate torsdag 21. mars. Avspark klokka 18:30.
G16
Første kamp borte mot Ørsta 6. mars. Avspark kl 18:30.
Andre kamp går heime mot Hødd 12. mars, med avspark kl 18.30.
Tredje kamp vert også Hasundgot stadion 19. mars, når Emblem kjem på besøk. Avspark klokka 18:30.
Fjerde og siste kamp vert borte mot Stranda 26. mars. Avspark vert 18:30.
Kva skjer etter gruppespelet?
Herrelaget
I herreklassen er det totalt fire avdelingar. Dei tre beste frå kvar avdeling går vidare til mellomrunder.
Frå mellomrundene går fire lag vidare til semifinale. I løpet av sesongen skal det kårast ein vinnar i ei kretsfinale på nøytral bane.
G16
I G16-avdelinga er det tre grupper. Dei fire beste laga frå kvar avdeling går vidare til mellomrunder.
Frå mellomrundene går fire lag vidare til semifinale. I løpet av sesongen skal det kårast ein vinnar i ei kretsfinale på nøytral bane.
